سلام عليكم جميعا اخواتى واخوانى فى الله
انهارده ليكم عندى حديث جميل يبن منزله اولياء الله الصالحين والطريقه التى نكون بها من اولياءه سبحانه
يقول النبى (صلى الله عليه وسلم) فى حديث قدسى يقول الله عز وجل ( من عاد لى وليا فقد اذنته بالحرب وما تقرب الى عبدى بشىء احب الى مما افترضته عليه ومازال عبدى يتقرب الى بالنوافل حتى احبه فان احببته كنت سمعه الذى يسمع به وبصره الذى يبصر به ويده التى يبطش بها ورجله الذى يمشى بها ولئن سألنى لأعطينه ولئن استعاذ بى لأعيذنه) صدق رسول الله صلى الله عليه وسلم
قبل ان اتكلم عن الحديث اريد ان اوضح
من هم اولياء الله الصالحين؟؟؟؟؟؟
هم الذين ذكرهم الله عز وجل فى كتابه (الا ان اولياء الله لا خوف عليهم ولا هم يحزمون # الذين ءامنو وكانوا يتقون)
يعنى من يتقى الله يكون من اولياءه
ومعنى التقوى: ان يكون الطاعه اغلب فيك من المعصيه يعنى خيرك اكثر من شرك ومعصيتك
طيب ما هى منزله اولياء الله فى الحديث؟
يوضح الله عز وجل عن المنزله بقوله (من عاد لى وليا فقد اذنته بالحرب)
اى اللى هياذيلى ولى فلان فقد اعلنت الحرب بينى وبينه ولينظر من هو الخاسر فتخيل لو انت كنت واحد من هؤلاء الذين يدافع الله عنهم ويقول اللى هيعديلى عبدى محمد او احمد او منى او هبه او غيره فقد اعلنت حرب بينى وبين من اذاه
يعنى بمعنى اصح انت فى حمى الله ان كنت من اولياءه
كيف اكون من اولياء الله الصالحين؟
اولا لكى تكون ولى من اولياء الله لابد ان يتوفر فيك شرطين والشرطين اسهل منهم مفيش
يكمل الحديث ويبين طريقه ازاى نكون من الاولياء فيقول (وما تقرب الى عبدى بشىء احب الى مما افترضته عليه)
يعنى دور على الفرائض
بتصلى الصلاه فى وقتها
بتبر والدين
وتصوم شهر رمضان اميانا واحتسابا
شوف كل اللى فرضه عليك ربنا وحاول ان تاتى به حتى تكون من اولياءه
وتخيل بقى لو ربنا ناده على اسمك وقال عبدى فلان هو من اولياءى واللى هيعديه انا هعلن الحرب عليه فهو فى حمايتى الى يوم القيامه ماذا تكون فرحنك بهذه البشره الجميله
والشرط الثانى(وما زال يتقرب الى عبدى بالنوافلل حتى احبه )
انت فى الشرط الاول كنت فى طريق حب الله اليك والان ماذ تفعل حتى تكون فعلا واحد من الذين يحبهم فعلا
سارع الى النوافل ولا تتردد اكثر من الذكر والقران والطاعه وحب الناس والعمل على مساعدتهم اكثر من التبسم فى وجه الناس اكثر من النوافل حتى يحبك الله وشوف بقى لو حبك هيعملك ايه
(كنت سمعه الذى يسمع به)
مش هيسمعك الاغانى هيكرهك فيها ويحببك فى القران والزكر والدعاء يحببك فى الاشياء والطاعات التى تقربك منه اكثر لأ ومش كده وبسشوف هيعملك ايه تانى
(وبصره الذى يبصر به)
يعنى الافلام والمناظر الوحشه التى تغضبه مش هيحببك فيها ولا يجعلك تنظر اليها وان نظرت فيجعلها لا تؤثر فيك بشىء بالعكس دى النظره دى هتخليك ترجع اليه اكثر عشان يحميك من ان تقع فى مثلها
(ويده التى يبطش بها ورجله الذى يمشى بها)
يعنى هيحفظ يديك من السرقه والبطش ورجلك من المشى فى الاماكن الحرام ويحببها فى السير الى المساجد واماكن العمل الصالح
ها فيه حد بيحب حد بالطريقه دى فما بالك لو حماك الله وحفظك
لا وغير كده مش هيعملك ده بس انظر كمان الى باقى الحديث
ولئن سالنى لاعطينه)
يعنى اى حاجه انت عايز ربنا يحققهالك ارفع يديك انت خلاص بيقيت ولى من اولياءه ارفع اديك وادعى يارب كذا يارب كذا عمره ما هيردك ابدا لانك عزيز عليه جدا ويحبك فلا يستطيع ان يردك بالظبط كانك ان حبيت انسان حبا شديدا لو اعمل ايه هتعمله بدون تردد لانك بتحبه قالك تعالى معايا كذا على طول هتروح ليه لانك بتحبه
والله المثل الاعلى
واخيرا يقول كمان (ولئن استعاذ بي لعيذنه)
يعنى مش انه يستجيب لدعاك فقط لأ دا انت لو قلت يارب اعوذ بك من شر كذا لا يقربه اليك ابدا لانك استعذته منه
ها يا اخى ويا اختى لسه دلوقتى مسرين على انت تكونوا بعيدين على الله ؟
انظروا قد ايه ربنا بيحبنا ولا يزكى علينا احدا غيره وهو ينادي عليناكل ليله فى الثلث الاخير لكى ن رجع اليه فماذا فعلا ؟
زماذا يكون موقفنا يوم القيامه حين نعلم ان الله يحبنا كل هذا الحب ونحن كنا غافلين
ارجو لى ولكم الثبات وادعو الله ان نكون من اولياءه الصالحين ويجمعنا فى الفردوس الاعلى اجمعين
موضوع: كيف تكون ولى من اولياء الله الصالحين 
الجمعة يناير 11, 2008 6:05 am
